Սիրուշո
Սիրուշո Armenia

  • Song

    Qele-Qele

  • Երաժշտության հեղինակ (ներ)

    ԴերՀովա

  • Խոսքերի հեղինակ (ներ)

    Սիրուշո

Սիրուշո

2008  թվականին «Եվրատեսիլ» երգի միջազգային մրցույթում Հայաստանը ներկայացրեց Սիրուշոն: 53-րդ մրցույթը հյուրընկալվեց Սերբիայի մայրաքաղաք Բելգրադում:
Հայաստանյան մրցութային երգի ընտրության նպատակով` կազմակերպվեց երգահանների մրցույթ եւ վերջնական 4 տարբերակներից հաղթեց «Քելե-Քելե» երգը, որով էլ Սիրուշոն ներկայացավ եվրատեսիլյան ունկնդրին: Երգը գրվել էր Սիրուշոյի և կանադահայ կոմպոզիտոր Դեր-Հովայի կողմից։  «Քելե-Քելե»-ն էթնիկ հնչյունների եւ ժամանակակից փոփ երաժշտության համադրություն է: Այն սկզբում բալլադ է հիշեցնում, հետո վերածվում է տեմպո փոփ երգի:
Սիրուշոն գրավեց  4-րդ հորիզոնականը` հավաքելով 199 միավոր: Նա 8 անգամ արժանացավ առավելագույն 12 միավորների: Ընդհանուր 272 միավորով հաղթող ճանաչվեց Ռուսաստանի ներկայացուցիչ Դիմա Բիլանը`  իր “Believe” երգով:
Մրցույթից հետո Սիրուշոն Իսրայելի ներկայացուցիչ Բոազ Մաուդայի և Սերբիայից Ելենա Տոմաշեւիչի հետ համատեղ ձայնագրեց երգ խաղաղության մասին: Այն կոչվում էր “Time to pray” (Ժամանակն է աղոթել), որի խոսքերի հեղինակը Իսրայելի նախագահ Շիմոն Պերեսը դարձավ:
Սիրուշոյի երաժշտական գործունեությանն ավելի մանրամասն ծանոթանալու համար անհրաժեշտ է այցելել երգչուհու պաշտոնական կայք (http://sirusho.am/):