Հայասատնի Հանրային հեռուստաընկերությունը ուրախ է հայտնել Եվրոպական Հեռարձակողների Միության ամենամեծ հեռուստանախագծերից մեկի` Պատանի Երաժիշտների Եվրատեսիլ 2012-ի (ՊԵԵ)  Հայաստանի ներկայացուցչի անունը: ՀՀ մշակույթի նախարարության աջակցությամբ Հայաստանը ՊԵԵ մրցույթում կներկայացնի 15-ամյա քանոնահար Նարեկ Կազազյանը:

Հայասատնի Հանրային հեռուստաընկերությունը ուրախ է հայտնել Եվրոպական Հեռարձակողների Միության ամենամեծ հեռուստանախագծերից մեկի` Պատանի Երաժիշտների Եվրատեսիլ 2012-ի (ՊԵԵ)  Հայաստանի ներկայացուցչի անունը: ՀՀ մշակույթի նախարարության աջակցությամբ Հայաստանը ՊԵԵ մրցույթում կներկայացնի 15-ամյա քանոնահար Նարեկ Կազազյանը:

Հայաստանի հանրային հեռուստաընկերությունը 2006թ.-ից ակտիվորեն մասնակցում է <<Եվրատեսիլ>>, իսկ 2007թ.-ից <<Մանկական Եվրատեսիլ>> երգի մրցույթներին` ամեն տարի մասնակից ներկայացնելով Հայաստանից:

2011թ.-ի դեկտեմբերին Հայաստանը հյուրընկալեց <<Մանկական Եվրատեսիլ>> երգի մրցույթը , որն անցավ համերաշխության մթնոլորտում և բարձր գնահատականի արժանացավ բոլորի կողմից:

Այս տարի առաջին անգամ Հայաստանը մասնակցելու է մայիսին Վիենայում կայանալիք դասական երաժշտության <<Պատանի երաժիշտների Եվրատեսիլ 2012>> մրցույթին: Հանրային հեռուստաընկերությունն այսուհետև նույնպես պատրաստակամ է շարունակել համագործակցությունը Եվրոպական հեռարձակողների միության հետ ընդհանրապես, և <<Եվրատեսիլի>> հետ մասնավորապես: 

Հայաստանի Հանրային հեռուստաընկերությունը՝ որպես Եվրոպական հեռարձակողների միության լիիրավ անդամ և

Եվրատեսիլ երգի մրցույթի պաշտոնական հեռարձակող, իրավասու է ընտրել ս.թ. մայիսին կայանալիք մրցույթի Հայաստանի
մասնակցին և երգը՝ կամ ազգային ընտրության (հեռուստադիտող-ժյուրի) կամ ներքին ընտրության միջոցով:

Սույն թվականի Դեկտեմբերի 3-ին Երևանում տեղի ունեցավ Եվրոպական հեռարձակողների միության ամենախոշոր նախագծերից մեկը` Մանկական Եվրատեսիլ երգի մրցույթը:

Մանկական Եվրատեսիլի ղեկավար Սիթցե Բեքերը իր բարձր գնահատականն է տվել կատարված  կազմակերպչական, ստեղծագործական և տեխնիկական աշխատանքների վերաբերյալ, ինչպես նաև , շնորհավորել հաղթանակ տարած Քենդի խմբին Վրաստանից`նշելով , որ բոլոր պատանի մասնակիցները աստղեր են թե՜ հեռուստադիտողների և թե՛ պրոֆեսիոնալ ժյուրիի աչքերում:

Պատվիրակությունները  շարունակում են Հանրային հեռուստաընկերությանը  պաշտոնապես հայտնել իրենց գոհունակությունը պատշաճ ընդունելության , մրցույթի լավ անցկացման և հյուրընկալության վերաբերյալ:

Սույն թվականի Դեկտեմբերի 3-ին Երևանում տեղի ունեցավ Եվրոպական հեռարձակողների միության ամենախոշոր նախագծերից մեկը` Մանկական Եվրատեսիլ երգի մրցույթը:

Մանկական Եվրատեսիլի ղեկավար Սիթցե Բեքերը իր բարձր գնահատականն է տվել կատարված  կազմակերպչական, ստեղծագործական և տեխնիկական աշխատանքների վերաբերյալ, ինչպես նաև , շնորհավորել հաղթանակ տարած Քենդի խմբին Վրաստանից`նշելով , որ բոլոր պատանի մասնակիցները աստղեր են թե՜ հեռուստադիտողների և թե՛ պրոֆեսիոնալ ժյուրիի աչքերում:

Պատվիրակությունները  շարունակում են Հանրային հեռուստաընկերությանը  պաշտոնապես հայտնել իրենց գոհունակությունը պատշաճ ընդունելության , մրցույթի լավ անցկացման և հյուրընկալության վերաբերյալ:

Կարեն Դեմիրճյանի անվան մարզահամերգային համալիրում կայացած «Մանկական Եվրատեսիլ 2011» եվրոպական երգի մրցույթում հաղթեց Վրաստանը, որը ներկայացնում էր 5 հոգուց բաղկացած Քենդի խումբը` «Քենդի մյուզիք» երգով:Վրաստանը առաջին հորիզոնականը գրավեց 108 միավորով, երկրորդ տեղը գրավեց Նիդեռլանդները` 103 միավորով, երրորդ տեղը` Բելառուսը` 98 միավորով: Հայաստանը, որը ներկայացնում էր Դալիթա Ավանեսյանը` «Բարի գալուստ Հայաստան» երգով, գրավեց 5-րդ տեղը:
«Մանկական Եվրատեսիլ» ամենամյա երգի մրցույթին այս տարի մասնակցում էին 13 երկրներ: Առաջին համարի ներքո հանդես եկավ Ռուսաստանի ներկայացուցիչը` Կատյա Րյաբովան` «Ռոմեո և Ջուլիետ» երգով, 2-րդ համարի ներքո`Լատվիայի ներկայացուցիչ Ամանդա Բաշմակովան` «Մունդոգ» երգով, 3-րդ համարի ներքո` Մոլդովայի մասնակից Լերիկան «Նո-նո» երգով, 4-րդ համարի ներքո` Հայաստանի ներկայացուցիչ Դալիթա Ավանեսյանը «Բարի գալուստ Հայաստան» երգով: Ապա հանդես եկան մրցույթի մասնակից մյուս երկրների ներկայացուցիչները` Բուլղարիան ներկայացրեց Իվան Իվանովը` «Սուպեր հերոս» երգով, Լիտվան ներկայացրեց Պաուլինա Սկրաբիտեն` «Ամպեր» երգով, Ուկրաինան` Կրիստալը` «Եվրոպա» երգով, Մակեդոնիան ներկայացրեց Դորիան Դլական` «Ֆրակ» երգով, Նիդեռլանդները` Ռեյչելդը` «Դեռահասը» երգով, Բելառուսը ներկայացրեց Լիդիա Զլաբոդսկայան` «Բարության հրեշտակները» երգով, Շվեդիան` Էրիկ Ռափը` «Faller» երգով, Վրաստանը ներկայացրեց «Քենդի» խումբը` «Քենդի մյուզիք» երգով, իսկ Բելգիան` Ֆենկեն` «Առաջին համբույր» երգով:

Րոպեներ առաջ Ռուսաստանի ներկայացուցիչ Կատյա Րյաբովան կատարեց շոուի բացումը: Նա գերազանց երգեց իր համեմատաբար հանգիստ երգը: Կատյան շատ լավ ելույթ ունեցավ, ինչին համալրեց գեղեցիկ շոուն: Ելույթից հետո նա միացավ մյուս մասնակիցներին, որոնք նրան ողջունեցին ծափահարություններով: 

Րոպեներ առաջ բոլորս ականատես եղանք Ուկրաինայի ներկայացուցիչ Կրիստալի ելույթին: Այն պարզապես հիանալի էր` և′ վոկալի, և′ բեմադրության առումով: Ունենալով բնածին հմայք` Կրիստալը պարզապես շլացրեց հանդիսատեսին: Իսկ իր դինամիկ, հեշտ հիշվող և ուրախ “Եվրոպա” երգը ամբողջ դահլիճը ոտքի հանեց:

Մանկական Եվրատեսիլ 2011-ի Ուկրաինայի ներկայացուցիչ Կրիստալը շատ գոհ է իր երկրորդ փորձից: “Այն շատ ավելի լավ անցավ, քան առաջին  ելույթը, քանի որ այն ժամանակ երաժշտության ձայնի հետ կապված որոշ խնդիրներ կային”: Կրիստալի գլխավոր նպատակը Ուկրաինան արժանապատվորեն ներկայացնելն ու բոլոր մասնակիցների հետ ընկերանալն է: << Ինչ վերաբերում է հաղթանակին, ես կարծում եմ, որ դա պետք է որոշի հեռուստադիտողը, բայց կարծում եմ, որ մենք արժանի ենք հաղթանակի, քանի որ շատ ենք աշխատում>>,- նշում է Կրիստալը: Նա շատ է հավանել Հայաստանը, քանի որ այն շատ հյուրընկալ երկիր է: Կրիստալ ավելացրեց,որ շատ հաճելի էր, երբ օդանավակայանում նրանց դիմավորեց հայկական պատվիրակությունը: Հայաստան գալու հաջորդ օրը, նրանք քայլեցին քաղաքի կենտրոնոմ և ծանոթացան Հայաստանի տեսարժան վայրերին:

Կարեն Դեմիրճյանի անվան մարզահամերգային համալիրում Մանկական Եվրատեսիլի պատրաստությունները բուռն ընթացքի մեջ են: Մասնակիցները շարունակում են իրենց վերջին փորձերը: Նրանք շատ պատրաստված են և հաղթանակի մեծ հույսեր ունեն: Նման վստահություն հայտնեց նաև  Մանկական Եվրատեսիլի Մակեդոնիայի ներկայացուցիչ Դորիան Դլական. <<Մեծ սպասումներ ունեմ մրցույթից և վստահ եմ, որ եթե առաջինը չլինեմ, ապա հաստատ առաջին քառյակի մեջ կլինեմ>>:

Վերջապես հայտնի դարձավ Մանկական Եվրատեսիլ 2011-ի հատուկ հյուրի անունը: Այս տարվա մրցույթի հատուկ հյուրն է լինելու Մանկական Եվրատեսիլ 2006-ում Շվեդիան ներկայացնող Մոլի Սանդեն:  Նա կներկայացնի իր ''Det Finaste Någon Kan Få'' երգը մրցույթի 3-րդ հատվածում:

Դեկտեմբերի 2-ին Կարեն Դեմիիրճյանի անվան մարզահամերգային համալիրում կայացավ Մանկական Եվրատեսիլ 2011-ի գլխավոր փորձը: Փորձին ներկա էր նաև հանդիսատեսը: Այն ամբողջությամբ նույն շոուն էր, որը այսօր կհեռարձակվի հանրային հեռուստտեսության ուղիղ եթերով: Միակ տարբերությունը այն էր, որ երեկվա շոուի քվեարկությունը փորձնական էր և որոշիչ չէր մրցույթի համար: Այսօր բոլոր կազմակերպիչները մրցույթի երկրպագուների և հեռուստադիտողների համար հնարավորություն կունենան հեռարձակելու մի քանի ամսվա հիանալի աշխատանքի արդյունքները: Ընդամենը մի քանի ժամից կմեկնարկի այս տարվա կարևորագույն միջոցառումը: Ուղիղ ժամը 22:30-ին Համալիրի բեմը կպայթի հայկական և եվրեոպական երգերի հնչյուններից: 

Մայր Աթոռ Սուրբ Էջմիածնում Գարեգին երկրորդ Ամենայն Հայոց կաթողիկոսն ընդունել է «Մանկական Եվրատեսիլ - 2011»  երգի մրցույթի մասնակիցներին

Վեհափառը, ողջունելով «Եվրատեսիլ»-ի պատանի մասնակիցների այցը Մայր Աթոռ Սուրբ Էջմիածին, Եվրոպայի տարբեր երկրներից Հայաստան ժամանած երեխաներին ծանոթացրել է հայ ժողովրդի պատմությանը, ամենայն հայոց հոգեւոր կենտրոն Մայր Աթոռ Սուրբ Էջմիածնին:

«Վստահ ենք, որ բոլորդ էլ ուրախ ու խանդավառ եք: Համերգի ժամանակ տարբեր բարձունքներ պիտի նվաճեք: Ցանկանում եմ, որ ձեր մեջ ուրախությունն անպակաս լինի, անկախ նրանից, թե ինչ բարձունքի պիտի հասնեք, որովհետեւ արդեն իսկ բարձունք եք նվաճել` մասնակցելով այս մրցույթին», - Մայր Աթոռի տեղեկատվական համակարգի փոխանցմամբ` ասել է Ամենայն Հայոց կաթողիկոսը:

Այնուհետեւ Վեհափառը իր օրհնությունն ու գնահատանքն է բերել երիտասարդներին, որ վաղ տարիքում այդքան ճիգ, ջանք եւ աշխատանք են ներդրել` իրենց տաղանդն ի ցույց բերելու եւ գեղեցիկ բարձունքներ նվաճելու:

Հանդիպման ավարտին պատանիներն այցելել են Մայր Աթոռի թանգարաններ` ծանոթանալով հայ ժողովրդի ազգային-հոգեւոր արժեքներին:

Մի քանի րոպեից կսկսվի Մանկական Եվրատեսիլ 2011-ը , սակայն Կարեն Դեմիրճյանի անվան մարզահամերգային համալիրում մթնոլորտը արդեն իսկ թեժացել է` հասնելով ոգևորվածության և հազարավոր սպասումների: Հանդիսատեսը կամաց-կամաց հավաքվում է սրահում` իրենց հետ կրելով տարբեր երկրների դրոշներ:  Շենքի ներսը և դուրսը ողողված է գույներով և ժպիտներով:

Տարբեր տարիքի երեխաներ վայելում են DJ-ի ֆանտաստիկ երաժշտությունը, ինչպես նաև լուսանկարվում պոստերների ներքո իրենց սիրելի մուլտհերոսների հետ: Եվ ոչ միայն երեխաներն են վայելում այս հիանալի միջոցառումը: Մեծահասակները նույնպես անց են կացնում իրենց լավագույն շաբաթ երեկոն::

Համալիրը երբեք այսքան սքանչելի և տպավորիչ չի եղել: Դրոշներն ու գույները ամենուր են: Նույնիսկ ցուրտ եղանակը չի խոչընդոտում հանդիսատեսի ոգևորվածությանը:

Գնումների կետերը, որոնք լի են Մանկական Եվրատեսիլի վերնաշապիկներով, գլխարկներով, բաժակներով և այլ հուշանվերներով, ծփում են գնորդներով:

            Դե ինչ, հաջողություն բոլոր մասնակիցներին և կազմակերպիչներին: Սպասենք հիանալի շոուի բացմանը :

Մանկական Եվրատեսիլ 2011-ում Լատվիան ներկայացնող Ամանդա Բաշմակովան շատ է հավանել Հայաստանը, թեև դեռ միայն հասցրել է տեսնել Գառնի-Գեղարդը և Կասկադը: «Կասկադում մենք եղանք շատ հետաքրքիր թանգարանում: Վերջապես ծանոթացանք հայկական քանդակագործությանը: Զարմացանք նաև, թե որքան աստիճաններ կան այնտեղ, թեև օգտվեցինք շարժասանդուղքից»:

Ամանդան արդեն հասցրել է ընկերանալ մասնակից երեխաների հետ, մասնավորապես Մակեդոնիայի և Լիտվայի ներկայացուցիչների հետ, որոնց հետ ապրում է միևնույն հարկում: Նրանց և մյուս մասնակիցներին Ամանդան ցանկացավ հաջողություն և խորհուրդ տվեց չհուզվել երգի կատարման ժամանակ: Վերջում էլ հավելեց` «Ինչպես հայտնի երգում է ասվում, «Don't worry, be happy».

Նիդերլանդեների ներկայացուցիչը իր մասին է երգում

Մանկական Եվրատեսիլ 2011-ի ֆավորիտներից մեկը Նիդերլանդները ներկայացնող Ռեյչելն է:  Դեկտեմբերի 3-ին նա կկատարի “Teenager” երգը, որը շատ պարզ հաղորդագրություն է պարունակում: Երգով, Ռեյչելը ցանկանում է պատմել բոլորին հենց ինքն իր մասին, ցույց տալ թե որքան հիանալի է դեռահաս լինելը: Նա սիրում է Ռիհանային, իսկ ինչ վերաբերում է մրցույթին, ապա նախընտրում է Ուկրաինայի ներկայացուցիչ Կրիստալի երգը:

  Նշենք նաև, որ այսօր Ռեյչելի երկրորդ և վերջին փորձն էր, որի արդյունքն էլ կտեսնենք հենց դեկտեմբերի 3-ին Համալիրի բեմում:

“Հայաստանը հրաշալի երկիր է, որն ունի շատ տեսարժան վայրեր և ես ակնկալում եմ ավելի շատ վայրեր այցելել այստեղ: Ամենաշատը ինձ դուր է եկել Մայր  Հայաստանի արձանը,”-իր տպավորություններով կիսվեց Մակեդոնիան ներկայացնող Դորիանը: Նա արդեն հասցրել է ընկերանալ տարբեր մասնակիցների հետ: Ինչ վերաբերում է իր ֆավորիտներին, երգիչը նշեց, որ չի ցանկանում որևէ մեկին առանձնացնել, քանի որ բոլորն էլ շատ երկար և տաժանակիր աշխատանք են կատարել: Պետք է գնահատել նրանցից ամեն մեկին, քանի որ նրանք արդեն իսկ հաղթողներ են: Համաշխարհային էստրադայում նա երկրպագում է Լեդի Գագային, Բեյոնսեին և Մադոննային, որոնց հետ կցանկանար զուգերգով հանդես գալ:

Նշենք, որ Դորիանը երեկվա փորձին չէր ներկայացել առողջական խնդիրների պատճառով: Մակեդոնիայի պատվիրակության նախագահ Ռեյդ Սպասովսկին Eurovision.am-ին տված հարցազրույցում ասաց` <<Դորիանը 14 տարեկան է: Բոլորս գիտենք, որ այդ շրջանում տղաների ձայների մեջ որոշակի փոփոխություններ են տեղի ունենում: Հենց այդ պատճառով էլ նախորդ փորձին նա չէր կարողանում երգել բարձր նոտաները: Հավաստիացնում եմ, որ շաբաթ օրը կատարյալ ելույթի ականատես կլինեք>>:   

Բելառուսի մասնակից Լիդիա Զաբլոտսկայան շատ գոհ է իր փորձերից`  և՛ վոկալի, և՛ ներկայացման առումներով:  Սակայն դեռևս աշխատելու տեղ կա, քանի որ կան որոշակի թերություններ: Երգչուհին արդեն իսկ հասցրել է ընկերանալ բոլոր մասնակիցների հետ: Նրանք  շատ լավ ժամանակ են անցկացնում հանդիպումների ժամանակ: Խոսելով Հայաստանի մասին` Լիդիան նշեց. “Ինձ շատ է դուր եկել Հայաստանը: Այն շատ է տարբերվում Բելառուսից ոչ թե լավ կամ վատ առումով, այլ պարզապես սա շատ յուրօրինակ մի երկիր է: Այստեղ գերակշռում են ջերմությունը, բարությունը: Շատ ուրախ եմ, որ հենց Հայաստանում է անցկացվում Մանկական Եվրատեսիլը:” Լիդիան նաև նշեց, որ եթե օրերից մի օր հնարավորություն լինի կրկին այցելել Հայաստանը, ապա նա դա կանի  մեծ հաճույքով:

Մասնակիցները ժամանեցին, փորձերը սկսվեցին:

Նոյեմբերի 28-ին Mezzo ակումբում տեղի է ունեցել համերգային ծրագիր, որի ընդացքում ելույթ ունեցան բոլոր մասնակից երկրների ներկայացուցիչները, ցւցադրվեց մրցանակը, հենց այն մրցանակը, որը իրենց հոգու խորքում մասնակից երեխաներից յուրաքանչյուրը երազում է տանել իր երկիր, կտրվեց տոնական տորթը և փորձերի մեկնարքը տրվեց:

Նոյեմբերի 29-ին տեղի ունեցավ առաջին փորձը Կարեն Դեմիրճյանի անվան մարզահամերգային համալիրում:
Մասնակիցները զգացին տօնական շունչը, պատկերացում կազմեցին թե ինչ է իրենց սպասվում դեկտեմբերի 3-ին:

Շարունակվում են Մանկական եվրատեսիլ 2011-ի փորձերը Կարեն Դեմիրճյանի անվան մարզահամերգային համալիրում: Արդեն ելույթ են ունեցել Հայաստանի, Բուլղարիայի, Լիտվաի, Ուկրաինաի, Մակեդոնիաի և Նիդերլանդների մասնակիցները:
Առաջին փորձից պարզ դարձավ, որ ձայնային և լուսաին տեխնիկան լիովին արդարեցնում է բոլոր սպասումները:
Երկրներից ոմանք բերել են իրենց հետ բազմազան դեկորացիաներ:

Հենց հիմա փորձ է անում Ռուստաստանի ներկայացուցիչը

Այսօր նոյեմբերի 30 է: Մարզահամերգային համալիրում գնալով  եվրատեսիլյան թեժ տրամադրությունը քառապատկվում է: Այս պահին փորձ է կատարում առաջին համարի ներքո հանդես եկող Ռուսաստանի մասնակիցը: <Ռոմեո Ջուլիետ>, այսպես է կոչվում կատարումը:

Մանկական եվրատեսիլում, մնակական ռոմանտիկ տրամադրություն:

Ռուսաստանի ներկայացուցիչ Կատյա Րյաբովայի գլխավոր նպատակն է Մանկական Եվրատեսիլ 2011-ում արժանապատվորեն ներկայացնել Ռուսաստանը: Բացի այդ ձգտում է նոր ընկերներ ձեռք բերել և դրական էմոցիաներ ստանալ: Նա արդեն ընկերացել է մասնակից երեխաների հետ, և նրանք հաճախ զբոսնում են միասին: Ինչ վերաբերում է մրցույթում իր հաղթանակի հավանականությանը, նա նշեց, որ նախօրոք չի ցանկանում կանխատեսումներ անել: Կատյան նույնիսկ տեղյակ չէր, որ ըստ բուկմեյկերների տվյալների նա ֆավորիտների ցուցակի առաջին հորիզոնականում է: Նա հաճելիորեն զարմացավ: Խոսելով Հայաստանի մասին, Կատյան նշեց` «Դուք հիանալի երկիր ունեք, որը շատ հետաքրքիր և խորը մշակույթ ունի: Վաղը մենք երեխաների հետ գնալու ենք Էքսկուրսիայի և ավելի մեծ հնարավորություն կունենանք խորը ուսումնասիրել ձեր բոլոր տեսարժան վայրերը»:

Այս անգամ զրուցեցինք Մանկական Եվրատեսիլ 2011-ում Մոլդավան ներկայացնող Լերիկայի հետ: Փոքրիկ երգչուհին մեզ հետ կիսվեց իր նախապատրաստական աշխատանքների հետ կապված մանրամասներով, ինչպես նաև հայտնեց իր կարծիքը Հայաստանի վերաբերյալ:

- Լերիկա՛, ինչպե՞ս ծնվեց Մանկական Եվրատեսիլին մասնակցելու միտքը:

-Եվրատեսիլի հանդեպ բոլորն էլ հատուկ հետաքրքրություն ունեն. ես ևս բացառություն չեմ: Մրցույթին մասնակցելը իմ երազանքն էր, և այս տարի որոշեցի փորձել ուժերս: Ես և իմ երաժշտական ղեկավարը քննարկեցինք այդ միտքը և հայտ ներկայացրինք: Ծնողներս ևս ինձ աջակցում էին այդ հարցում:

Նոյեմբերի 15-ին Անի Պլազա հյուրանոցի Անի սրահում տեղի ունեցավ մամլո ասուլիս, որի ընթացքում Եվրատեսիլի Հայաստանյան պատվիրակության ղեկավար Գոհար Գասպարյանը և Մանկական Եվրատեսիլի կազմկոմիտեի մամուլի ղեկավար Արտակ Վարդանյանը բացահայտեցին մրցույթի հետ կապված մի շարք անակնկալներ:

Ասուլիսի ժամանակ պարզ դարձավ, որ այս հեղինակավոր մրցույթ-փառատոնի հանդիսավարներն են լինելու հայտնի հաղորդավարներ Գոհար Գասպարյանը և Ավետ Բարսեղյանը:

Խոսելով մրցույթի անակնկալների մասին` Գոհարը և Արտակը նշեցին, որ համերգի հյուրերից են լինելու Սիրուշոն և Վլադիմիր Արզումանյանը, ովքեր Եվրատեսիլի շրջանակներում արդեն իսկ հասել են բարձունքի, ինչպես նաև լինելու է ևս մեկ հատուկ հյուր, ում անունը, սակայն, դեռևս անակնկալ է պահվում:

Այս տարի Մանկական Եվրատեսիլում Բելգիան ներկայացնելու է Ֆեմկեն իր "EenKusje Meer" երգով: 11-ամյա երգչուհին մեզ հետ կիսվեց իր տպավորություններով և բացահայտեց մի շարք փաստեր կապված իր երգի և ելույթի հետ: Այս ամենի մասին ավելի մանրամասն կարողեք կարդալ Ֆեմկեի հետ ունեցած մեր հարցազրույցից:

-Ինչպե՞ս որոշեցիր մասնակցել Մանկական Եվրատեսիլին:

-Ես իսկապես շատ եմ սիրում երգել, պարել և բեմում հադես գալ: Անցած տարի Բելգիայի նախընտրական փուլում քույրիկս ընտրվեց ` Ումկեն: Հետևելով քրոջս արկածներին` որոշեցի ես էլ մասնակցեմ: Ուստի օգտվեցի ինձ ընձեռված հնարավորությունից և ահա, ես այստեղեմ:

Հոկտեմբերի 15-ին Հայաստանում տեղի ունեցած Եվրատեսիլի պատվիրակությունների նախագահների ժողովի ընթացքում քննարկվել են նաև Մանկական Եվրատեսիլ 2012-ի հյուրընկալող երկրի հնարավոր տարբերակները: Եվրոպայի Հեռարձակողների Միության որոշմամբ Մանկական Եվրատեսիլ 2012-ի հյուրընկալող երկիր է ընտրվել Նիդերլանդները: Հյուրընկալող երկրի իրավունքը շահել է հոլանդական “Avro” հեռուստաընկերությունը:

Դեռևս կոնկրետ օրը և հյուրընկալող քաղաքը որոշված չէ, բայց Մանկական Եվրատեսիլի նախագահ Սիթսե Բեքերը նշում է, որ Եվրոպայի Հեռարձակողների միությունը հույս ունի, որ մյուս տարի ավելի շատ երկրներ մասնակցության հայտ կներկայացնեն:

“Avro” հեռուստաընկերությունը արդեն մի անգամ հյուրընկալել է Մանկական Եվրատեսիլը: Դա 2007թ էր, երբ մրցույթը կազմակերպվեց Ռոտերդամ քաղաքում:

Հիշեցնենք, որ այս տարի Մանկական Եվրատեսիլի հյուրընկալման իրավունքը շահել է Հայաստանի Հանրային Հեռուստաընկերությունը Եվրոպայի Հեռարձակողների միության վերստուգող հանձնաժողովի որոշմամբ:

Մինչ այս տարվա Մանկական Եվրատեսիլի հետագա զարգացումներին անցնելը, եկեք տեսնենք, թե ինչ կասեն մրցույթի նախորդ տարիների հաղթողները իրենց փորձի մասին: Այժմ ձեզ ենք ներկայացնում մեր բացառիկ հարցազրույցը Մանկական Եվրատեսիլ  2009-ի հաղթող Ռալֆ Մակենբախի հետ:

Այս անգամ ձեր ուշադրությանն ենք ներկայացնում այս տարվա  Մանկական Եվրատեսիլում  Բելառուսի ներկայացուցչի` Լիդիա Զաբլոտսկայաի հետ ունեցած մեր հարցազրույցը: 13-ամյա երգչուհին մեզ հետ զրույցում ասաց, որ սիրով  Բելառուսը կներկայացնի նաև մեծերի Եվրատեսիլում : Ինչպես նշեց փոքրիկ երգչուհին` “Մնում է միայն մեծանալ”:

Ինչպե՞ս է ստեղծվել “Superhero” երգը: Ի՞նչն է երիտասարդ կատարողի հոբբին: Այս և նման հարցերի պատասխանները կարող եք ստանալ Մանկական Եվրատեսիլ 2011-ում Բուլղարիայի ներկայացուցիչ Իվան Իվանովի հետ ունեցած մեր հարցազրույցից:

Մանկական Եվրատեսիլում  այս տարի Հայաստանը ներկայացնող  Դալիթան, այժմ զբաղված է մրցույթի նախապատրաստական աշխատանքներով, որոնց մասին կարող եք տեղեկանալ երգչուհու հետ ունեցած մեր հարցազրույցից:

-         Դալիթա՛, կպատմե՞ս, թե ինչ աշխատանքներով ես այժմ զբաղված:

-         Զբաղվածությունս շատ է, քանի որ ոչ մի ջանք ու եռանդ չեմ խնայում, որպեսզի լավ և պատվով ներկայացնեմ մեր Հայաստանը: Իմ սիրելի ուսուցչուհու` Էմմա Ասատրյանի հետ առանձին աշխատում եմ վոկալիս վրա, իսկ իմ թմի հետ միասին աշխատում ենք պարի և բեմադրության վրա` խորեոգրաֆ Նելլի Կարապետյանի և ռեժիսոր Վահան Բադալյանի օգնությամբ: Իհարկե, փորձերից բացի լինում են նաև հրավերքներ, միջոցառումներ, Մանկական Եվրատեսիլի ֆան ակումբի կողմից կազմակերպված հանդիպումներ և օրագրերի նկարահանումներ: Այս ամենի հետ մեկտեղ պետք է նաև համատեղեմ դասերս և երաժշտական գործիքների պարապմունքները:

Այս տարի Մանկական Եվրատեսիլում Ուկրաինայից կփորձի “հասնել բարձունքին” Կրիստալը: Թե ինչ հաջողությունների կհասնի փոքրիկ երգչուհին, կբացահայտենք հենց մրցույթի օրը` դեկտեմբերի 3-ին, իսկ այժմ ձեր ուշադրությանն ենք ներկայացնում Կրիստալի հետ ունեցած մեր հարցազրույցը:

Մանկական Եվրատեսիլ 2011-ի տոմսերն արդեն վաճառքի են հանվել: Հայաստանի երկրպագուները կարող են դրանք ձեռք բերել Երևանի երեք կետերից` Մոսկվա Կինոթատրոնի և Ֆիլարմոնիայի տոմսարկղերից, ինչպես նաև Ani Plaza հյուրանոցից:

Դեկտեմբերի 2-ին կայանալիք գլխավոր փորձի տոմսերն արժեն €3.5-22 (2000-12.000 դրամ), իսկ դեկտեմբերի 3-ի համերգի տոմսերի գինը €9-55 (5000- 30.000 դրամ) է:

Շտապեք ձեռք բերել Ձեր տոմսը, քանի որ դրանց քանակը սահմանափակ է!

Հարգելի գործընկերներ,սիրով տեղեկացնում ենք ձեզ, որ Մանկական Եվրատեսիլ 2011-ի լրագրողների հավատարմագրումը շարունակվում է: Խնդրում ենք ձեզ հավատարմագրվելու համար  այցելել http://www.junioreurovision.tv/page/press/accreditation ինտերնետային հասցեով և լրացնել հավատարմագրման թերթիկը: Հիշեցնենք, որ հավատարմագրման վերջնաժամկետը նոյեմբերի երեքն է: Մրցութային շաբաթվա ընթացքում միայն հավատարմագրված լրագրողները հնարավորություն կունենան լուսաբանելու Մանկական Եվրատեսիլը: 

Նոր տեսահոլովակ "Welcome to Hayastan"

Մանկական Եվրատեսիլում Հայաստանը ներկայացնող Դալիթան ունեցավ հանդիպում համար 119 ֆրանսիական դպրոցի աշակերտների հետ, որը տեղի ունեցավ նույն դպրոցում: Փոքրիկ երգչուհին մենակ չէր,այլ եկել էր իր պարողների հետ: Աշակերտները լավ էին պատրաստվել և ընդունեցին հյուրերին մեծ սիրով: Երեխաները Դալիթային տվեցին այն բոլոր հարցերը, որոնք հետաքրքրում էին իրենց, իսկ Դալիթան էլ իր հերթին սիրով պատասխանեց բոլորին:Դալիթան նաև կատարեց “Welcome To Armenia” երգից մի փոքրիկ հատված: Վերջում երեխաները նկարվեցին երքչուհու հետ : Դալիթան էլ, երեխաներն էլ մեծ հաճուք ստացան հանդիպումից:

Մանկական եվրատեսիլի տոմսերը հոկտեմբերի 15-ից վաճառքում կլինեն: Մանկական եվրատեսիլի կազմակերպիչները խորհուրդ են տալիս տոմսերը գնել նախորոք: Մանրամասն տեղեկությունների համար զանգահարեք 

+374 99 71 16 00

+374 94 711 644
+374 10 594 594

Հոկտեմբերի 11-ին Անի հյուրանոցում տեղի է ունեցել մամլո ասուլիս դեկտեմբերի 3-ին կայանալիք Մանկական Եվրատեսիլ 2011-ի կապակցությամբ : Ասուլիսին մասնակցեցին Սիթսե Բակերը` Մանկական Եվրատեսիլի ղեկավարը, Պեր Սանդին` Մանկական Եվրատեսիլի լուսային ձևավորման պատասխանատուն, Գոհար Գասպարյանը` Մանկական Եվրատեսիլի հայաստանյան պատվիրակության ղեկավարը, Արտակ Վարդանյանը` Մանկական Եվրատեսիլի կազմկոմիտեի մամուլի ղեկավարը:
Արդեն պարզ է դարձել թե ինչ հերթականությամբ են հանդես գալու մասնակիցները`

Հարգելի գործընկերներ, սիրով տեղեկացնում ենք, որ հոկտեմբերի 11-ին  ժամը 15:00-ին Անի Պլազա հյուրանոցի Անի սրահում կկայանա <<Մանկական Եվրատեսիլ 2011>> մանկական երգի մրցույթի ասուլիսը: Եվրոպական ամենամեծ մանկական շոուի նախապատրաստական աշխատանքների մասին  կխոսեն Սիթսե Բակերը` Մանկական Եվրատեսիլի ղեկավարը, Պեր Սանդին` Մանկական Եվրատեսիլի լուսային ձևավորման պատասխանատուն, Գոհար Գասպարյանը` Մանկական Եվրատեսիլի հայաստանյան պատվիրակության ղեկավարը, Արտակ Վարդանյանը` Մանկական Եվրատեսիլի կազմկոմիտեի մամուլի ղեկավարը:
           
Սիրով` Մանկական եվրատեսիլի կազմկոմիտեի մամուլի  ղեկավար Արտակ Վարդանյան
   junioreurovision.tv
   eurovision.am   
   +37510 65 00 15 (156)   
   E-mail pressjesc@armtv.com   

Մանկական Եվրատեսիլի նախապատրաստական աշխատանքները գտնվում են ամենաեռուն փուլում: Հանրային հեռուստատեսության անձնակազմը հուզված է սպասվող անակնկալներից, վերջին 80 օրերի ընթացքում անվերջ հոսող մտքերից, կապված Դեկտեմբերի 3-ի կարևոր իրադարձության հետ:

Գոհար Գասպարյանը հանդիպել է Մանկական Եվրատեսիլի վերջերս նշանակված Սիեթսե Բեքերի հետ`քննարկելու իրենց կարծիքները կապված գալիք իրադարձության հետ: Սիեթսե Բեքերը Հայաստանում եղել է մի քանի  անգամ հսկելու նախապատրաստական աշխատանքները: Այն հարցին թե ինչպես են ընթանում այդ աշխատանքները նա պատասխանել է "Մինչ այժմ ընթանում են  պլանի համաձայն  և շատ լավ, ես կարծում եմ մենք ականատեսն ենք լինելու Դեկտեմբերին կայանելիք հոյակապ տեսարանի": Ամեն տարի Եվրատեսիլ երգի մրցույթը հյուրընկալող երկիրը անում է լավագույնը` ստեղծագործական առումով և հիշարժան անակնկալներով: "Իմ կարծիքով, այն ինչ կտեսնենք Դեկտեմբերի 3-ին, կլինի լավագույնը, ինչ Հայաստանը կարող է անել, որի համար ես շատ ոգևորված եմ":

Հոկտեմբերի 10 և 11-ին Հայաստան կժամանեն Մանկական եվրատեսիլ 2011-ի  մասնակից երկրների պատվիրակության ղեկավարները: Մրցույթի 14 պատվիրակությունների ղեկավարները կքննարկեն մանկական ամենահեղինակավոր շոուին վերաբերող հարցեր: Նույն օրը Երեւանում կլինեն Մանկական եվրատեսիլ 2011-ի վերահսկող խումբը և շվեդական հայտնի HDR ընկերությունը, որը առաջին ալիքի հետ համատեղ ապահովելու է շոուի հեռարձակման և նկարահանման տեխնիկական հատվածը: Ինչպես նաեւ, հոկտեմբերի 11-ին պատվիրակությունների ղեկավարների միջեւ կանցկացվի մրցույթի մասնակից երկրների ելույթների հերթականության վիճակահանությունը:

Մանկական եվրատեսիլին հաշված օրեր են մնացել: Կազմակերպչական ու նախապատրաստական աշխատանքները  ընթանում են եվրոպական պահանջներին համապատասխան` արագ և պրոֆեսիոնալ:   

Հարգանքներով`

Մամուլի բաժին, Մանկական Եվրատեսիլ 2011

Արտակ Վարդանյանը այցելուներին:

Հարգելի գործընկերներ Մանկական եվրատեսիլի 2011-ին  հաշված օրեր են մնացել:
Հանրային հեռուստատեսությունը սիրով տեղեկացնում է ձեզ, որ այսուհետ գալիք մրցույթի մասին ցանկացած պաշտոնական տեղեկություն կարող եք ստանալ  Հանրային հեռուստաընկերության Մամուլի բաժնից:

Հարգանքներով,

Արտակ Վարդանյան, Մանկական Եվրատեսիլ 2011-ի Մամուլի ղեկավար

Սեպտեմբերի 17-ին Մանկական եվրատեսիլ 2011—ի Հայաստանյան ընտրությունների ժամանակ Հայաստանի Առաջին ալիքի ուղիղ եթերում ներկայացվեց  16 երգ: Քվեարկությունը անցկացվեց ավանդական կերպով`պրոֆեսիոնալ ժյուրիի և հեռուստադիտողների կողմից: Դալիթան <<Բարի գալուստ Հայաստան>> երգով դարձավ առաջատար և կներկայացնի Հայաստանը Մանկական Եվրատեսիլ 2011-ին:

Կարող եք դիտել նաև քվեարկության արդյունքները`

Սեպտեմբերի 10-ին տեղի ունեցավ Մանկական Եվրատեսիլի Հայաստանյան ընտրության վիճակահանությունը, որի ընթացքում պարզ դարձավ, թե  որ համարների ներքո հանդես կգան եզրափակիչ փուլին մասնակիցները:

Հուլիսի 21-ին,  Անի Պլազա հյուրանոց-ի Դվին սրահում տեղի ունեցավ մամլո ասուլիս Մանկական Եվրատեսիլ 2011-ի վերաբերյալ:  Մրցույթի տարբերանշանն ու նշանաբանը ներկայացնելու, ինչպես նաև կատարված և սպասվելիք աշխատանքներին ծանոթացնելու նպատակով լրագրողների հետ զրուցեցին Մանկական Եվրատեսիլի գործադիր պրոդյուսեր Լևոն Սիմոնյանը, պրոդյուսեր Գրիգոր Նազարյանը և պատվիրակությունների ղեկավար  Գոհար Գասպարյանը:

Մանկական Եվրատեսիլի  2011-ի Հայաստանյան ընտրություններ

Եթե ուզում եք մասնակցել Մանկական Եվրատեսիլին և ներկայացնել Հայաստանը միջազգային այս հեղինակավոր երգի մրցույթում, ուրեմն շտապեք ներկայացնել ձեր հայտը  մինչև 2011թ.-ի Օգոստոսի 20-ը`հետևելով մասնակցության կանոններին:

Հայկական Boom-Boom-ը հայտնվեց գեղեցիկ Մոլդովայում: Քիշնևի հյուրընկալ ժողովուրդը , պատվիրակության ղեկավարն իր թիմով դիմավորեցին Էմմիին և հայկական պատվիրակությանը բարձր տրամադրությամբ և պրոֆեսիոնալ ծրագրով: 
Առաջինը Էմմին այցելեց Օրանժի գրասենյակ/սրճարան, որտեղ մամուլի ասուլիս տվեց  տեղի ԶԼՄ-ի համար: Այնուհետև Noroc TV, Muz TV, Jurnal TV, Moldova 1, RU TV հեռուստաալիքներ, որտեղ երգեց Եվրատեսիլի երգը և բացեց տեսահոլովակի գրեթե  բոլոր գաղտնիքները:

Ապրիլի 9-ին Էմմին բացեց Ամստերդամի (Նիդերլանդներ) “Club Air” ակումբում կայացած Եվրատեսիլ 2011-ի  համերգը, որտեղ Boom-Boom-ը շատ ջերմ ընդունելության արժանացավ հանդիսատեսի կողմից: Նիդերլանդների փրոմո արշավը բարեհաջող անցավ , քանզի Հայաստանի ներկայացուցիչը բազմաթիվ հարցազրույցներ տվեց միջազգային մամուլին, հանդիպեց մյուս մասնակիցների հետ և մասնակցեց հայկական մեծ համերգին, որը կազմակերպվել էր Ալմելոյի հայ համայնքի կողմից:

Մոլդովա-Հայաստան փրոմո արշավը սկսվեց Հայաստանից, երբ  Zdob si Zdub խումբը (Ռոման Յագուրով, Սվյատոսլավ Ստառուշ) ժամանեց Երևան իրենց “So Lucky ” Եվրատեսիլի երգով: Նրանք հյուրընկալվեցին Առաջին ալիքի ամենապոպւլյար «Երգ Երգոց» հաղորդմանը և կատարեցին 2 ստեղծագործություն:  Հարցազրույցներ ունեցան Ռադիո Վանի առավոտյան շոու-ի, Դար 21-իԿամո Թովմասյանի հեռուստաշոուի և OGAE.am-ի  շրջանակներում: Մամուլի ասուլիս տվեցին Օրանժի գրասենյակում, որտեղ ներկա էին հայկական ժամանցային բոլոր ԶԼՄ-ները:

Եվրատեսիլ 2011-ում Հայաստանի ներկայացուցիչ Էմմին փրոմո արշավի շրջանակներում այցելեց Հունաստան ներկայացնելու BOOM-BOOM –ը և ծանոթանալու պարողների հետ, որոնք կլինեն նրա հետ Եվրատեսիլի բեմում:

Ապրիլի 12-ին, վաղ առավոտյան ANT 1 հունական հեռուստաալիքի “10 me 1 mazi” առավոտյան հեռուստաշոուի ուղիղ եթերում հյուրընկալվել էր  Էմմին: Եվրատեսիլի հայկական բեմադրության խորեոգրաֆ  Էմի Զարյանի հետ միասին, որն , ի դեպ , ապրում և աշխատում է Աթենքում, Էմմին պատմեց իր երգի սիրային պատմության մասին , ներկայացրեց հույն հեռուստադիտողին իր երգի տեսահոլովակը և ստիպեց հաղորդավարների պարել:

Հայաստան + Հունաստան = Եվրատեսիլային բարեկամություն

2011-ի Եվրատեսիլ երգի մրցույթի Հայաստանի ներկայացուցիչ Էմմին պատրասվում է յուրահատուկ բեմադրության , որը կլինի Եվրատեսիլի բեմում: Հատուկ այդ առիթով Հայաստանի  Հանրային հեռուստաընկերությունը հրավիրել է Հունաստանի պրոֆեսիոնալ բեմադրող պարուսույց Էմի Զարյանին և Հունաստանի լավագույն պարողներին: 

Վերջերս ազգությամբ հայ Էմի(Արմինե) Զարյանը , այցելեց Երևան` մասնակցելու Եվրատեսիլի Հայասանյան բեմադրության նախագծման աշխատանքներին: Եվրատեսիլի պատմության մեջ նա նոր մարդ չէ. 2007-ին նա բեմաբրել է հույն երգիչ Սարբելի «Յասսու Մարիա» երգը, իսկ  2010-ին Գիորգոս Ալկաիոսի ,Օպա»-ն: Նա աշխատում է հույն հայտնի երգիչների հետ , ինչպիսին են Հելենա Պապարիզուն, Դեսպինա Վանդին և այլոք:

Եվրատեսիլի փրոմո-արշավը սկսված է….

Բարի գալուստ Հայաստան

Մարտի 27-ին Հայաստանը հյուրընկալել էր Եվրատեսիլ 2011-ի մասնակիցներին Սան Մարինոյից, Մալթայից և Ուկրաինայից, որոնք հատուկ մասնակցեցին Երևանում տեղի ունեցող ամենահեղինակավոր համերգին`Ազգային երաժշտական մրցանակաբաշխությանը, որը դիտում են աշխարհի ավելի քան 200 երկրներում:  Էմմիի հետ միասին  Գլենը(Մալթա),  Սենիթը (Սան-Մարինո)   Միկա Նյուտոնը (Ուկրաինա) ներկայացրեցին իրենք երգերը հայ հեռուստադիտողին և հաջողություն մաղթեցին <<>Բում-Բում>>-ին:
Հաջորդ օրը Եվրատեսիլի հյուրերը մասնակցեցին մամուլի ասուլիսին(Orange-ի աջակցությամբ), որի ընթացքում պատմեցին իրենք նպատակների, առաջիկա պլանների և զգացմունքների մասին:

Եվրատեսիլի բեմում Boom է լինելու

Հայաստանը Եվրատեսիլ 2011-ին կներկայանա <<Boom-Boom>> երգով (երա-շտություն`Apricota, խոսքեր` Սոսի Խանիկյան, գործիքավորում`Արա Թորոսյանը): Այս ընտրության  մասին պարզ դարձավ մարտի 5-ին Առաջին ալիքի ուղիղ եթերում կայացած Հայաստանյան երգի ընտրության ժամանակ:
 Հանրային հեռուստաընկերությունը ստացել է մոտ 70 երգեր աշխարհի տարբեր ծայրերից: Այդ ցանկից լավագույն  4 երգերը` Ապրիկոտայի <<Boom Boom >>-ը, ԴերՀովայի <<Ayo>>-ն, Վահրամ Պետրոսյանի <<Hi>>-ը  և Մարտին Կեսիչիի  <<Goodbye>> -ը , Էմմին կատարեց ուղիղ եթերում` ընտրությունը թողնելով հեռուստադիտողներին և  պրոֆեսիոնալ ժյուրիին:

Եվրատեսիլ երգի մրցույթի պաշտոնական կայքը (www.eurovision.tv )տալիս է բացառիկ հնարավորություն դիտել Հայաստանյան երգի ընտրությունը ուղիղ հեռարձակմամբ Առաջին ալիքի Առաջին ստուդիայից:

Շոուն կսկսի Մանկական Եվրատեսիլի 2011-ի հաղթող Վլադիմիր Արզումանյանն իր «Մամա» երգով:

Մարտի 5-ին տեղի կունենա Եվրատեսիլ 2011-ի երգի ընտրությունը, որին մասնակցում է նաև Apricota խումբը: Նրանց երգի երաժշտության հեղինակներն են  Հայկ Հարությունյանը և Հայկ Հովհաննիսյանը , խոսքերը գրել է Սոսի Խանիկյանը: Երգը կոչվում է «Բում-Բում»:

Քվեարկեք Մարտի 5-ին

Մայիսի 10-ին  Դուսելդորֆում կայանալիք Եվրատեսիլ երգի մրցույթին Հայաստանը կներկայացնի Էմմին: Մասնակցող երգը կընտրվի հեռուստադիտողի և պրոֆեսիոնալ ժյուրիի քվեարկությամբ 50/50 հարաբերությամբ: Հանրային հեռուստաընկերության գեղարվեստական խորհուրդը 70 երգերից ընտրել է լավագույն 4-ը:

Մարտի 5-ին ժամը 21:30-ին Առաջին ալիքի ուղիղ եթերում տեղի կունենա Եվրատեսիլ 2011-ի երգի ընտրությունը: Կներկայացվեն Վահրամ Պետրոսյանի(Հայաստան), Մարտին Կեսիցիի (Գերմանիա), Ապրիկոտայի (Հայաստան) և Դեր Հովայի(Հայաստան) ստեղծագործությունները: Ամենաշատ ձայներ հավաքած երգը կստանա Եվրատեսիլ 2011-ի ուղեգիր:

Պայքարը սկսված է…

Կայացավ Եվրատեսիլի համար պայքարող  4 երգերից մեկի  ձայնագրությունը: Երգը կոչվում է “Հայ”: Երգի երաժշտության հեղինակը Վահրամ Պետրոսյանն է, իսկ խոսքերի հեղինակը` Մարիամ Շահինյանը, գործիքավորող` Լազզառո: Ձայնագրման աշխատանքները տեղի ունեցան Զաքյան 8 հասցեում գտնվող “Sono Rec Studio” ձայնագրման ստուդիայում երգիչ Տիգրան Պետրոսյանի գլխավորությամբ: